Y Goeden Nadolig Orau Erioed

Disgrifiad Cymraeg / Welsh Description

Cyfrol Nadoligaidd yn cyfri'r addurniadau sy'n cael eu gosod ar y goeden Nadolig orau erioed!

Disgrifiad Saesneg / English Description

A Christmassy title where decorations are counted before placing them on the best Christmas tree ever!

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

Cwestiwn a ofynnwyd i mi'n aml pan oeddwn i'n brifathro oedd pryd oedd yr amser gorau i gyflwyno llyfr a darllen i blant. Flynyddoedd yn ôl mewn darlith gan Jeff Hynds, ymgynghorydd llythrennedd o Sheffield, dywedodd, ‘Rhowch lyfr i blentyn cyn gynted â phosibl’ – a dyna ateb y cwestiwn. Mae gwerthiant llyfrau Cymraeg ar groesffordd ond diolch i Rhian Cadwaladr, Leri Tecwyn a Gwasg Carreg Gwalch am ysgrifennu a chyhoeddi’r llyfr yma. Mae’n em bach o lyfr i’w roi yn hosan Nadolig y plentyn ieuengaf. Mae’n rhesymol o ran pris, yn lliwgar ac yn llawn posibiliadau i sbarduno’r plentyn i gymryd diddordeb mewn llyfr. Mae cyffyrddiad y llyfr yn hyfryd ( mi rydw i’n bersonol yn hoff iawn o anwesu llyfr). Mae’r clawr yn llyfn ac yn llawn lluniau bach i dynnu sylw unrhyw blentyn ac yn llyfr arbennig i Mam neu Dad gyd-ddarllen gyda’u plenty, gan holi a chwestiynu, a thrwy hyn ennyn diddordeb y plentyn. Mae’r stori yn syml, hyfryd ac amserol. Hanes Non sydd yma yn gofyn i’w thad a fuasai’n cael addurno y goeden Nadolig. Cyflwynir y stori mewn rhifau a lluniau. Mae’r peintiadau yn null unigryw Leri Tecwn yn ddeiniadol. Mae’r rhifau yn rhedeg o un i ddeg. Tudalen i bob rhif ac ar y dudalen gyferbyn ceir llun. Mae pob rhif ar belen Nadolig ac oddi tani dau air yn egluro y llun e.e. rhif un ar belen ac yna’r geiriau ‘angel aur’. Rwy’n hoff iawn o ddefnydd o gyflythrennu wrth egluro’r llun. Mae hyn yn ychwanegu at ddenu diddordeb y plentyn yn y stori. Dyma lyfr sy’n haeddu bod yn hosan Nadolig eich plentyn. Mae’n gam cyntaf i gyflwyno llyfrau a darllen i blant ifanc. Mae cymaint i’w gael o’r llyfr. Llongyfarchiadau i dîm mam a merch, Rhian Cadwaladr a Leri Tecwyn.