Y Cyfan a fu Rhyngom Ni - ar lwybrau 'Atgof' Prosser Rhys — ar lwybrau 'Atgof' Prosser Rhys

Disgrifiad Cymraeg / Welsh Description

Ychydig dros ganrif ers i Prosser Rhys ennill Coron Eisteddfod Genedlaethol Pont-y-pŵl 1924, dyma ddilyn llwybrau ei bryddest enwog, 'Atgof'. Ar daith rhwng Ceredigion a Chaernarfon codir pob math o ystyriaethau nid yn unig am lenyddiaeth LHDTC+, rhagfarn a sensoriaeth, ond hefyd am wreiddiau, magwraeth, bro, mudo, salwch a'r profiad o fod yn Gymro ifanc a chanddo rywbeth y mae'n ysu i'w ddweud.

Disgrifiad Saesneg / English Description

Just over a century since Prosser Rhys won the National Eisteddfod Crown, Iestyn Tyne revisits his controversial poem. Along the way he considers the state of LGBTQ+ writing in Wales, prejudice and censorship, as well as roots, upbringing, habitat, migration, illness and what it's like to be a young Welshman with something urgent to say.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Bywgraffiad yr Awdur / Author Biography

Magwyd Iestyn Tyne yn Llŷn ac mae bellach yn byw yn Arfon gyda’i deulu. Cyhoeddodd nifer o gasgliadau o farddoniaeth a nofel i oedolion ifanc, ac roedd yn un o olygyddion Welsh (Plural) (2022), y gyfrol o ysgrifau ar ddyfodol Cymru. Mae’n un o sylfaenwyr a golygyddion gwasg annibynnol Cyhoeddiadau'r Stamp ac yn un o Gymrodorion Cymru'r Dyfodol 2023-25. Yn 2024 fe'i penodwyd yn Fardd y Dre cyntaf Caernarfon.

Bywgraffiad yr Awdur / Author Biography

Iestyn Tyne was brought up in Llŷn but now lives with his family in Arfon. He has published numerous collections of poetry and a novel for young adults, Robyn (2021), in the award-winning series, Y Pump. He co-edited Welsh (Plural): Essays on the Future of Wales (2022) with Darren Chetty, Grug Muse and Hanna Issa. He is one of the founders and editors of the independent publisher Y Stamp and a recipient of the Future Wales Fellowship 2023-25. In 2024 he was appointed as the first Caernarfon Town Poet.

Adolygiad y Cyhoeddwr / Publisher Review

Dyma gyfrol wreiddiol ei chynnwys a chyfredol ei phwyslais. Bydd yn ymddangos mewn pryd ar gyfer Eisteddfod Genedlaethol Wrecsam yn Awst 2025, canrif a blwyddyn ar ôl Prifwyl Pont-y-pŵl lle’r enillodd Prosser Rhys y Goron am ei bryddest ddadleuol ‘Atgof’. Mae hon yn gyfrol ‘ffeithiol greadigol’ yng ngwir ystyr y gair, un sy’n cwmpasu nodweddion sawl genre llenyddol: cofiant; hunangofiant; hanes; teithlyfr; beirniadaeth lenyddol; sylwebaeth gymdeithasol a diwylliannol. Mae Iestyn Tyne yn awdur ifanc profiadol ac ymhlith ei gyhoeddiadau blaenorol mae Welsh (Plural): Essays on the Future of Wales (2022) a gydolygwyd gyda Darren Chetty , Grug Muse a Hanna Issa. Mae hefyd yn un o awduron Y Pump, y nofel Robyn (2021) yn benodol, sef y gyfres arloesol i oedolion ifanc a enillodd Wobr Tir na n-Og yn 2022. Fel Prosser Rhys, bardd a chyhoeddwr yn ei ddauddegau yw Iestyn Tyne yntau a bu’r ddau ohonyn nhw’n byw ac yn gweithio yn nhrefi Caernarfon ac Aberystwyth.