Theatr a Chymdeithas - Gwreiddiau ac Amgylchfyd Theatr Felin-fach

Disgrifiad Cymraeg / Welsh Description

Ysgariad yr iaith Gymraeg oddi wrth ei diwylliant yw prif berygl yr oes, yn ôl awdur y gyfrol hon. Ond beth yw'r diwylliant? Ceisio ateb y cwestiwn hwn yw nod yr astudiaeth fanwl hon o wreiddiau Theatr Felin-fach, gan roi sylw i hanes ei sefydlu. 40 llun du a gwyn.

Disgrifiad Saesneg / English Description

A detailed study of the roots of Theatr Felin-fach in the Aeron valley. Euros Lewis argues that the main peril of present-day society in Wales is the divorcing of the Welsh language from its culture, and tries to get to grips with the question: 'What is that culture?' 40 black-and-white photographs.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

O’r theatrau ‘campws’ newydd a sefydlwyd yng Nghymru yn ystod y 1970au-80au, Theatr Felin-fach yn unig sydd wedi llwyddo i feithrin dolen dynn gyda’i chymuned a’i chenedl – gan feithrin nid yn unig gynulleidfa ond to ar ôl to o actorion, sgriptwyr, cynhyrchwyr a chwmnïau. Mae’r Panto blynyddol yn sefydliad unigryw ynddo’i hun. Lledodd y theatr ei hesgyll i sawl maes pwysig arall megis Radio Ceredigion, ymgyrchoedd cymunedol (megis amddiffyn y ffatri gaws leol) a byd ffilm ac adloniant. Ond camgymeriad fyddai diffinio Theatr Felin-fach fel ‘theatr gymunedol’. Mae hynny yn awgrymu mai mewnblyg a lleol ydi cymeriad y theatr. Er ei bod yn amlwg wedi ei lleoli mewn lle arbennig ac mewn cymdeithas arbennig, safle penodol i edrych allan ar y byd fu Theatr Felin-fach o’r dechrau. Ni fyddai hyn wedi digwydd heb weledigaeth ac arweiniad arbennig – a’r gŵr a gyflwynodd y ddeubeth hynny i’r theatr yw awdur y gyfrol hon. Mae’r gyfrol hon yn ddadansoddiad hanesyddol o gyd-destun y ddrama Gymraeg yng Ngheredigion yn arbennig, ond gan edrych ar y gymdeithas Gymraeg yn ei chyfanrwydd ac ar hanes y theatr Gymraeg dros gyfnod helaeth o amser yn ogystal. Dyma wreiddiau Theatr Felin-fach. Drwy wneud hynny, cawn sylweddoli pwysigrwydd gwleidyddol deinameg y ddrama o fewn ein cymdeithas arbennig ni. Mae’n llyfr radical sy'n adrodd stori na chafodd ei hadrodd o’r blaen, gan geisio gwneud diwylliant penodol y Gymraeg yn weladwy ac yn ddealladwy.