Lladd Duw

Disgrifiad Cymraeg / Welsh Description

Nofel gyntaf Dewi Prysor ers y drioleg lwyddiannus, Madarch , Brithyll a Crawia . Mae Lladd Duw yn nofel swmpus, wedi'i lleoli yn Llundain a thref glan y mor ddychmygol. Mae'n ymdrin â chwalfa gwareiddiad o safbwynt y werin bobl. Nofel ddwys-dywyll ond fel sy'n nodweddiadol o'r awdur, ceir digon o hiwmor ynddi hefyd. Adargraffiad. Cyhoeddwyd yn gyntaf yn 2010.

Disgrifiad Saesneg / English Description

This is Dewi Prysor's first novel since his successful trilogy, Madarch , Brithyll and Crawia . Lladd Duw is located in London and a fictional seaside town, and deals with the end of civilisation. A dark and serious novel, which, as one would expect from the author, also contains much humour. Reprint. First Published in 2010.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

Dewi Prysor yn Lladd Duw mewn Nofel Dywyll a Chignoeth Lladd Duw yw teitl nofel ddiweddaraf Dewi Prysor a gyhoeddir yr wythnos hon. Creodd tair nofel gyntaf Dewi Prysor gynnwrf yn y byd llyfrau gyda’i bortreadai cignoeth o fywydau adar brith isfyd Gogledd Meirionydd. Mae Dewi Prysor yn newid cyfeiriad gyda’i nofel ddiweddaraf gyda chymeriadau a sefyllfaoedd hollol newydd ond yn parhau gyda’i blotio gafaelgar a’i sylwebaeth finiog ar faterion cymdeithasol, ysbrydol a diwylliannol. Y tro yma mae’r nofel wedi ei lleoli mewn tref lan môr ddychmygol yng Ngwynedd o’r enw Gilfach ac mae gangstyrs peryclaf dwyrain Ewrop am waed dau gymeriad, Jojo a Didi, sy’n gorfod dianc o Lundain am loches yno. Erbyn hyn mae Dewi Prysor wedi ennyn dilyniant mawr fel nofelydd gyda sawl un o’i nofelau yn cael eu hailargraffu. Yn ôl Lefi Gruffudd o wasg Y Lolfa, “Dyma un o lyfrau mwya cyffrous y flwyddyn. Mae Lladd Duw yn nofel ddewr ac yn llwyddo ar sawl lefel - mae’n stori afaelgar, yn llawn ffraethineb a difyrrwch, ac mae hefyd yn dangos awdur sy’n barod i drafod argyfyngau cyfoes yr ardaloedd Cymraeg mewn modd effeithiol – peth prin iawn y dyddiau yma... ” Dywedodd Llwyd Owen, “Dyma antur ar raddfa fawr gan un o awduron mwyaf cyffrous ein cenedl. Nofel llawn cymeriadau dwys a doniol a dau gymeriad canolog fydd yn ymdroi yn hir yn y cof.” Ychwanegodd Emlyn Gomer Roberts, “Chwip o nofel, gydag afiaith heintus yr awdur yn byrlymu trwyddi o’r dechrau i’r diwedd. Mae’r cymeriadau yn argyhoeddi, ac yng nghanol berw can-milltir-yr-awr y plot gafaelgar ceir ambell ysbaid dawel o wir brydferthwch. Mae Prysor yn gwybod sut i ddweud stori, a’i deud hi’n dda.”