Dim Ond Traed Brain

Disgrifiad Cymraeg / Welsh Description

Cyfrol hyfryd o gerddi newydd sbon gan Fardd Plant Cymru, Anni Llŷn gydag arlunwaith ysblennydd Valériane Leblond.

Disgrifiad Saesneg / English Description

A collection of sparkling new poems by Anni Llŷn, Welsh Children's Poet Laureate, with splendid colour illustrations by Valériane Leblond.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

'Geiriau rhywun wedi'u printio yn dy ddeffro'n swnllyd mewn 'stafell dawel.' Mae'r bartneriaeth rhwng Anni Llŷn a Valériane Leblond wedi creu llyfr stori-a-llun cwbl arbennig. O'r dechrau un, mae Anni Llŷn yn annog plant i fynd ati i sgwennu eu cerddi eu hunain trwy anfon llythyr annwyl atynt. Does dim yn well i'w sbarduno na'r llyfr hwn. O athrawes yn pigo ei thrwyn hyd at bentref unigryw llawn idiomau, o fyd yr apiau i fyd breuddwydion, mae'r cerddi yn mynd â ni i lecyn gwahanol byth a beunydd trwy'r tudalennau hyn. Ond yn fwy na hynny, mae'r bardd yn ymgymryd â phenbleth o fewn nifer o'r cerddi hefyd – y teimladau rheini o fod yn fach mewn ysgol fawr, unigrwydd mewn byd o apiau, hyd at ddiffyg awydd i lanhau'r ystafell wely! Gan ein cludo i fywyd bob dydd pob plentyn, mae Anni Llŷn yn gallu datgelu negeseuon difyr am fyd plant a hynny mewn ffordd syml dros ben. Mae honno yn grefft ynddi'i hun. Fel yr awgrymir wrth edrych ar y clawr, mae'r artist wedyn yn peri i ni hedfan o ddalen i ddalen yn rhwydd a hapus. Mae rhywbeth yn hudol naturiol am y llyfr hynod hwn, a bydd y geiriau 'yn drybowndian yn dy ben' am hydoedd.