Ceiliog Dandi

Disgrifiad Cymraeg / Welsh Description

Dafydd ap Gwilym, un o feirdd gorau ein cenedl ... ond oedd e? Golwg ddychanol ar fywyd y cymeriad lliwgar hwn o'r oesoedd canol.

Disgrifiad Saesneg / English Description

Dafydd ap Gwilym - one of the nation's best poets ... but was he really? A satirical look at the life of this colourful medieval character.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Bywgraffiad yr Awdur / Author Biography

Daw Daniel Davies o Lanarth yn wreiddiol ond mae bellach yn byw yn Penrhyn-coch, ger Aberystwyth. Ymysg ei nofelau mae Gwylliaid Glyndŵr (2007), Hei-Ho! (2009), Allez Les Gallois! (2016) ac Arwyr (2018). Enillodd ei gyfrol Tair Rheol Anrhefn Wobr Goffa Daniel Owen yn Eisteddfod Genedlaethol Wrecsam a'r Fro yn 2011, a daeth Yr Eumenides (cyhoeddwyd 2017) yn agos i’r brig yn yr un gystadleuaeth yn 2016.

Adolygiad y Cyhoeddwr / Publisher Review

Gan fy mod i, Dafydd ap Gwilym, yn un o feirdd gorau Cymru ‒ ac yn bwysicach, wrth gwrs, yr enwocaf – rydych chi’n siŵr o fod yn awyddus iawn i wybod mwy amdanaf. Dyma i chi felly ran gyntaf fy hunangofiant, lle rwy’n dinoethi rhai o’m cyfrinachau mwyaf ffrwydrol: Fy giamocs carwriaethol gyda Morfudd a Dyddgu · Y gwir am lofruddiaeth y clerwr, Rhys Meigen · Fy ymddygiad gwrol yn y frwydr enwog rhwng Lloegr a Ffrainc yn Crécy · Fy mherthynas dymhestlog gyda’r beirdd Iolo Goch a Madog Benfras · Y rhan allweddol a chwaraeais yn nhalwrn rhyngwladol cyntaf Ewrop. Rydw i hefyd yn rhannu fy marn am farddoniaeth, athroniaeth, cariad, rhyfela a mwy ... llawer mwy. ‘Heresi lwyr.’ – Henry de Gower, Esgob Tyddewi ‘Llosgwch y llyfr… a’r awdur … Nawr.’ – Pab Clement VI ‘Llyfr eithaf boddhaol. Lluniau digon derbyniol.’ – Madog Benfras, bardd