'Anwyl Fam' - Pererindod Drwy'r Rhyfel Mawr

Disgrifiad Cymraeg / Welsh Description

Llythyrau rhyfel bachgen o Lanio, Ceredigion. Bu farw Capten Dafydd Jones yng Nghoed Mametz yn 1916, ond cadwodd Margaret Jones ei fam bob un o'i lythyrau, hyd ddiwedd ei hoes. Mae'n gasgliad unigryw sy'n disgrifio'r broses o'i hyfforddi fel milwr yng Nghymru a Lloegr, cyn troi at realiti'r ymladd yn Ffrainc.

Disgrifiad Saesneg / English Description

Captain Dafydd Jones died in Mametz Wood in 1916, but his mother, Margaret Jones, kept all his letters, until her death. This is a unique collection of letters describing the soldier's training in Wales and England, before facing the reality of combat in France.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

Ni chafodd Margaret gyfle i weld y llefydd a ddisgrifiwyd mor fyw gan Dafydd - ond mae'r gyfrol hon yn bererindod ar ei rhan. 'Yr ydym yn byw fel cwningod o dan y ddaear, yn ein Dug-outs fel eu gelwir.' 'Yr ydym ni allan yn awr am ychydig ddiwrnodau tu ôl ir firing line. Gwlad amaethyddol oddiamgylch heb glawdd na ffin yw gweld am filldiroedd. Nid wyf wedi gweld ond un cae hadau er pan gyrhaeddais Ffrainc.' Mae Ifor ap Glyn wedi ymweld â phob un o'r mannau lle bu Dafydd, wrth geisio ail-greu teithiau olaf y milwr ifanc o Geredigion, a deall ei hanes yn well. Mae'r gyfrol hon yn cyfuno darnau mwya difyr a dadlennol llythyrau Dafydd hefo myfyrdodau Ifor am effaith y Rhyfel Mawr ar Gymru hyd heddiw. Cynhelir lansiadau'r gyfrol: Nos Fawrth, Mawrth 14eg yng Nghanolfan Cymuned Llanddewi Brefi am 7 yr hwyr Nos Iau, Mawrth 16eg, fyny'r grisiau yn nhafarn y Victoria Park, Caerdydd, CF5 1JL am 7 yr hwyr Nos Wener, Mawrth 17eg, yng Nghapel y Boro, Llundain am 7.30 yr hwyr Nos Iau, Mawrth 23ain, yn Palas Print, Caernarfon am 6.30 yr hwyr CROESO CYNNES I BAWB